Ultrasəs Müayinəsi
Ultrasəs müayinəsi tibdə ən çox istifadə olunan görüntüləmə üsullarından biridir. Ekranda olan təsvir bədən strukturlarından əks olunan müxtəlif ultrasəs keçiriciliyinə malik dalğaların analizi nəticəsində formalaşır.
Ultrasəs müayinə otaqları son nəsil 3D, 4D müasir aparatları ilə təchiz olunmuşdur: Philips İU22 Xmatrix, GE Logic S7 Expert, GE Logic P5, Philips HD11Xe.Müayinənin məqsədi orqan və orqana dair sistemlərin anadangəlmə və qazanılmış patologiyalarını aşkar etmək, xəstələrə diaqnozun qoyulmasına yardım, o cümlədən patoloji prosesin gedişinə və aparılan müalicənin nəticələrinə nəzarətdən ibarətdir. Qarın boşluğunda yerləşən parenximatoz orqanların, qalxanvari vəzin , böyrək və böyrəküstü vəzin, sidik kisəsinin, yumşaq toxumaların , süd vəzilərinin və regional limfa düyünlərinin , ginekoloji orqanların, kişilərdə isə prostat vəzin və s. ultrasəs müayinəsi orqanlardakı patologiyaların aşkarlanmasında geniş istifadə olunur. Bu avadanlıqların köməyi ilə hamiləliyin I,II,III trimestrlərində uşaqlıq plasentar qan dövranının dopplerometriyası, baş-boyunun, beyinin , aşağı və yuxarı ətraf damarlarının rəngli dopplerometriyası aparılır ki, bu da orqanların qan-damaq sistemindəki dəyişiklikləri görməyə imkan verir.
Rəngli doppler müayinəsi
- Beyinə qan daşıyan böyük damar daralmalarında və trombların aşkarlanmasında;
- Hamiləlik təqibində uşağın və ananın risk altında olub-olmadığının dəyərləndirilməsində;
- Yüksək təzyiqin böyrək mənşəli olub-olmadığının araşdırılmasında;
- Qaraciyər sirrozunda detalların təsbitində;
- Ətrafların damar xəstəliklərində
USM Həkimi
Ultrasəsli diaqnostika (USM) həkimi, patoloji dəyişikliklərin aşkar edilməsi üçün orqan və sistemlərin ultrasəsini aparan bir mütəxəssisdir. Ultrasəs müayinə (USM) səs dalğalarından faydalanaraq daxili orqanların görüntüləmə üsuludur. Daha informativ və praktiki cəhətdən zərərsiz olan bu metod qarın boşluğu orqanlarının, böyrəklərin, kiçik çanaq orqanlarının, qalxanabənzər vəzinin, ürəyin, damarların və s. orqanların müayinəsində geniş istifadə edilir. Hamiləliyin gedişini izləmək üçün bu metod əvəzedilməzdir.
Ginekoloji USM
Ginekoloji USM
Ginekoloji xəstəliklərin diaqnostikasında ilkin müayinə metodu kimi ginekoloji orqanların USM ( ultrasəs müayinəsi ) durur.USM vasitəsi ilə qadın orqanları haqda ətraflı məlumat əldə etmək mümkündür.
Tam ziyansız olduğu üçün az yaşlılar da bu müayinədən keçə bilərlər.
Ginelokoji USM iki metodla aparılır:
• abdomenal (üstdən)
• transvaginal
USM və doppler müayinəsi üzrə mütəxəssis kimi fəliyyət göstərir.
1. Abdominal USM ( qaraciyər , mədəalti vəzi , dalaq , öd kisəsi və öd yollarının ultrasəs müayinəsi );
2. Uroloji USM ( böyrəklərin , sidik yollarının , sidik kisəsinin və prostat vəzin ultrasəs müayinəsi;
3. Androloji USM ( prostat vəzin və toxum kisəciklərinin transabdominal və transrektal ultrasəs müayinəsi ; xayaların ultrasəs və doppler müayinəsi);
4. Ginekologi USM ( uşaqlıq və uşaqlıq artımlarının , yumurtalıqların və ümumilikdə kiçik çanağın transabdominal və transvaginal ultrasəs müayinəsi);
5. Hamiləliyin ( I - II - III trimestrinin ) ultrasəs müayinəsi və dopplerografiyası;
6. Süd vəzilərinin ultrasəs müayinəsi;
7. Limfa düyünlərinin və yumşaq toxumaların ultrasəs müayinəsi;
8. Vəzilərin ( qalxanvari vəzinin , tüpürcək vəzilərinin , böyrəküstü vəzilərin) ultrasəs müayinəsi;
9. Uşaqlarda bud - çanaq oynağının , timus vəzin ultrasəs müayinəsi;
10. Neyrosonografiya;
11. Yuxarı və aşağı ətrafların arteriyal və venoz sisteminin rəngli doppler müayinəsi;
12. Ekstrakraniyal dopplerografiya ( yuxu və onurğa arteriyalarının rəngli doppler müayinəsi);
13. Transkraniyal dopplerografiya ( beyin damarlarının rəngli doppler müayinəsi);
14. Böyrəklərin və böyrək arteriyalarının rəngli doppler müayinəsi;
15. Qaraciyərin və portal sistemin rəngli doppler müayinəsi.
Write a comment