Biokimyəvi laboratoriya, laboratoriya sistemi, laboratoriya analizləri, laboratoriya

Biokimyəvi Laboratoriya

Daxili orqanların bir çox göstəricilərinin qanda təyini qaraciyər, böyrək, mədəaltı vəzi və s. funksiyasında olan hər hansı bir pozğunluğu vaxtında aşkar etməyə imkan verir. Tibbin bütün sahələrində-terapiya, endokrinologiya, urologiya, nefrologiya, qastroenterologiya, kardiologiya, ginekologiya və s. biokimyəvi müayinələrdən çox geniş istifadə edilir.

Klinikanın laboratoriya bölməsində qanın və sidiyin biokimyəvi göstəriciləri avtomat biokimyəvi( COBAS c311) analizatorunda təyin edilir. Analizatorun təyin spektrinə 60-dan artıq göstərici daxildir:

• Zülal mübadiləsi – ümumi zülal, albumin, qlobulin, A/Q və s.
• Qaraciyər və piqment mübadiləsi göstəriciləri – ALT, AST, QQT, bilirubin və bilirubin fraksiyaları və s.
• Böyrəklər – kreatinin, sidik cövhəri, qalıq azot, kreatinin klirensi və s.
• Ürək – LDH, kreatinkinaza, KFK-MB və s.
• Mədəaltı vəzi – amilaza, lipaza və s.
• Lipid mübadiləsi – ümumi xolesterin, triqliseridlər, yüksək, orta və aşağı sıxlıqlı lipoproteinlər və s.
• Karbohidrat mübadiləsi – qlükoza, qlikohemoqlobin və s.
• Mineral mübadiləsi – kalsium, kalium, xlor, maqnezium, fosfor, natrium və s.
• Spesifik zülallar – C-reaktiv zülal, revmatoid faktor, antistreptolizin-O və s.

Laboratoriya sistemi

”Cobas C 311″biokimyəvi analizatoru-Roche Cobas C 311 avadanlığında geniş spektrdə qanın biokimyəvi analizini təhlil etmək mümkündür.

Tam avtomatlaşdırılmış sistem reagentlərinin geniş menyusuna malik olan Cobas C 311 p biokimyəvi analizatorunda nəinki fermentlərin,substratların,spesifik zülalların ,çox vaxt aparan müayinələrin , həmçinin xüsusi testlərin aparılması və reagent nümunələrinin universal kassetlərə yüklənməsi mümkündür.

Cobas C 311 analizatorunun təkrarolunmaz elektron sistemi reagent nümunələrinin universal kassetlərinin xüsusi elektron ştrixlər vasitəsi ilə kodlaşdırılmasını təmin edir və reagentlərin hazırlanmasında operatorun iştirakını tələb etmir